Ar ddiwedd mis Mai 2026, symudodd ein practis yn llwyddiannus i system gyfrifiadurol glinigol newydd o’r enw EMIS Web. Mae’r newid hwn yn rhan o raglen Cymru gyfan, ac fe’i gwneir i gefnogi gwelliannau yn y ffordd rydym yn rheoli gwybodaeth cleifion ac yn darparu gofal.
Mae presgripsiynau ar-lein bellach ar gael drwy Ap GIG Cymru. Rhowch o leiaf ddau ddiwrnod gwaith o rybudd ar gyfer ceisiadau.
Bydd archebu apwyntiadau ar-lein yn ailddechrau unwaith y bydd staff yn gwbl gyfarwydd â’r system newydd.
Mae gwasanaethau negeseuon testun dros dro ddim ar gael, gan gynnwys atgoffa apwyntiadau. Disgwylir y bydd y gwasanaeth hwn yn cael ei adfer erbyn canol mis Mehefin.
Sicrhewch eich bod yn nodi manylion unrhyw apwyntiadau rydych wedi’u trefnu.
Pam mae’r practis yn newid systemau?
Mae’r newid hwn yn rhan o raglen Cymru gyfan i symud pob practis meddygon teulu i un system glinigol fodern. Bydd EMIS Web yn cefnogi gofal mwy diogel a mwy cyson ledled Cymru.
Mae’r practis yn cael ei gefnogi’n llawn drwy’r broses o fudo gan Iechyd a Gofal Digidol Cymru (DHCW) a’n cyflenwyr system glinigol, er mwyn sicrhau bod y newid yn cael ei weithredu’n ddiogel.
A fydd hyn yn effeithio ar faint o amser mae pethau’n ei gymryd wrth y dderbynfa?
Efallai. Mae hwn yn newid mawr i bob aelod o staff, ac efallai y bydd rhai tasgau’n cymryd ychydig mwy o amser wrth i ni ddysgu’r system newydd. Gofynnwn yn garedig am eich amynedd gyda’n tîm.
Mae hwn yn newid sylweddol i’r practis cyfan. Byddwn yn parhau i ddarparu gofal wrth i’r system newydd gael ei chyflwyno, ac rydym yn diolch i chi am eich amynedd, eich dealltwriaeth a’ch cefnogaeth yn ystod y cyfnod hwn.